Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Exodus

(Versiculus)

23 Non suscipies vocem mendacii, nec junges manum tuam ut pro impio dicas falsum testimonium.

Non suscipies vocem mendacii nec iunges manum tuam ut pro impio dicas falsum testimonium.

2 Non sequeris turbam ad faciendum malum ; nec in judicio, plurimorum acquiesces sententiæ, ut a vero devies.

Non sequeris turbam ad faciendum malum nec in iudicio plurimorum adquiesces sententiae ut a vero devies.

3 Pauperis quoque non misereberis in judicio.

Pauperis quoque non misereberis in negotio.

4 Si occurreris bovi inimici tui, aut asino erranti, reduc ad eum.

Si occurreris bovi inimici tui aut asino erranti reduc ad eum.

5 Si videris asinum odientis te jacere sub onere, non pertransibis, sed sublevabis cum eo.

Si videris asinum odientis te iacere sub onere non pertransibis sed sublevabis cum eo.

6 Non declinabis in judicium pauperis.

Non declinabis in iudicio pauperis.

7 Mendacium fugies. Insontem et justum non occides, quia aversor impium.

Mendacium fugies insontem et iustum non occides quia aversor impium.

8 Nec accipies munera, quæ etiam excæcant prudentes, et subvertunt verba justorum.

Nec accipias munera quae excaecant etiam prudentes et subvertunt verba iustorum.

9 Peregrino molestus non eris ; scitis enim advenarum animas, quia et ipsi peregrini fuistis in terra Ægypti.

Peregrino molestus non eris scitis enim advenarum animas quia et ipsi peregrini fuistis in terra Aegypti.

10 Sex annis seminabis terram tuam, et congregabis fruges ejus ;

Sex annis seminabis terram tuam et congregabis fruges eius.

11 Anno autem septimo dimittes eam, et requiescere facies, ut comedant pauperes populi tui ; et quidquid reliquum fuerit, edant bestiæ agri. Ita facies in vinea, et in oliveto tuo.

Anno autem septimo dimittes eam et requiescere facies ut comedant pauperes populi tui et quicquid reliqui fuerit edant bestiae agri ita facies in vinea et in oliveto tuo.

12 Sex diebus operaberis ; septimo die cessabis, ut requiescat bos et asinus tuus, et refrigeretur filius ancillæ tuæ, et advena.

Sex diebus operaberis septima die cessabis ut requiescat bos et asinus tuus et refrigeretur filius ancillae tuae et advena.

13 Omnia quæ dixi vobis, custodite. Et per nomen externorum deorum non jurabitis, neque audietur ex ore vestro.

Omnia quae dixi vobis custodite et per nomen externorum deorum non iurabitis neque audietur ex ore vestro.

14 Tribus vicibus per singulos annos mihi festa celebrabitis.

Tribus vicibus per singulos annos mihi festa celebrabitis.

15 Solemnitatem azymorum custodies. Septem diebus comedes azyma, sicut præcepi tibi, tempore mensis novorum, quando egressus es de Ægypto. Non apparebis in conspectu meo vacuus.

Sollemnitatem azymorum custodies septem diebus comedes azyma sicut praecepi tibi tempore mensis novorum quando egressus es de Aegypto non apparebis in conspectu meo vacuus.

16 Et solemnitatem messis primitivorum operis tui, quæcumque seminaveris in agro ; solemnitatem quoque in exitu anni, quando congregaveris omnes fruges tuas de agro.

Et sollemnitatem messis primitivorum operis tui quaecumque serueris in agro sollemnitatem quoque in exitu anni quando congregaveris omnes fruges tuas de agro.

17 Ter in anno apparebit omne masculinum tuum coram Domino Deo tuo.

Ter in anno apparebit omne masculinum tuum coram Domino Deo.

18 Non immolabis super fermento sanguinem victimæ meæ, nec remanebit adeps solemnitatis meæ usque mane.

Non immolabis super fermento sanguinem victimae meae nec remanebit adeps sollemnitatis meae usque mane.

19 Primitias frugum terræ tuæ deferes in domum Domini Dei tui. Non coques hædum in lacte matris suæ.

Primitias frugum terrae tuae deferes in domum Domini Dei tui nec coques hedum in lacte matris suae.

20 Ecce ego mittam angelum meum, qui præcedat te, et custodiat in via, et introducat in locum quem paravi.

Ecce ego mittam angelum meum qui praecedat te et custodiat in via et introducat ad locum quem paravi.

21 Observa eum, et audi vocem ejus, nec contemnendum putes, quia non dimittet cum peccaveris, et est nomen meum in illo.

Observa eum et audi vocem eius nec contemnendum putes quia non dimittet cum peccaveritis et est nomen meum in illo.

22 Quod si audieris vocem ejus, et feceris omnia quæ loquor, inimicus ero inimicis tuis, et affligam affligentes te.

Quod si audieris vocem eius et feceris omnia quae loquor inimicus ero inimicis tuis et adfligam adfligentes te.

23 Præcedetque te angelus meus, et introducet te ad Amorrhæum, et Hethæum, et Pherezæum, Chananæumque, et Hevæum, et Jebusæum, quos ego conteram.

Praecedetque te angelus meus et introducet te ad Amorreum et Hettheum et Ferezeum Chananeumque et Eveum et Iebuseum quos ego contribo.

24 Non adorabis deos eorum, nec coles eos ; non facies opera eorum, sed destrues eos, et confringes statuas eorum.

Non adorabis deos eorum nec coles eos non facies opera eorum sed destrues eos et confringes statuas eorum.

25 Servietisque Domino Deo vestro, ut benedicam panibus tuis et aquis, et auferam infirmitatem de medio tui.

Servietisque Domino Deo vestro ut benedicam panibus tuis et aquis et auferam infirmitatem de medio tui.

26 Non erit infœcunda, nec sterilis in terra tua ; numerum dierum tuorum implebo.

Non erit infecunda nec sterilis in terra tua numerum dierum tuorum implebo.

27 Terrorem meum mittam in præcursum tuum, et occidam omnem populum, ad quem ingredieris, cunctorumque inimicorum tuorum coram te terga vertam,

Terrorem meum mittam in praecursum tuum et occidam omnem populum ad quem ingredieris cunctorumque inimicorum tuorum coram te terga vertam.

28 Emittens crabrones prius, qui fugabunt Hevæum, et Chananæum, et Hethæum, antequam introeas.

Emittens crabrones prius qui fugabunt Eveum et Chananeum et Hettheum antequam introeas.

29 Non ejiciam eos a facie tua anno uno, ne terra in solitudinem redigatur, et crescant contra te bestiæ.

Non eiciam eos a facie tua anno uno ne terra in solitudinem redigatur et crescant contra te bestiae.

30 Paulatim expellam eos de conspectu tuo, donec augearis, et possideas terram.

Paulatim expellam eos de conspectu tuo donec augearis et possideas terram.

31 Ponam autem terminos tuos a mari Rubro usque ad mare Palæstinorum, et a deserto usque ad fluvium ; tradam in manibus vestris habitatores terræ, et ejiciam eos de conspectu vestro.

Ponam autem terminos tuos a mari Rubro usque ad mare Palestinorum et a deserto usque ad Fluvium tradam manibus vestris habitatores terrae et eiciam eos de conspectu vestro.

32 Non inibis cum eis fœdus, nec cum diis eorum.

Non inibis cum eis foedus nec cum diis eorum.

33 Non habitent in terra tua, ne forte peccare te faciant in me, si servieris diis eorum ; quod tibi certe erit in scandalum.

Non habitent in terra tua ne forte peccare te faciant in me si servieris diis eorum quod tibi certo erit in scandalum.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit