Via - Scriptura Spiritismi Christiani † Antiquus Testamentum

Index generalis |  Principium  | Final

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Esdræ

(Versiculus)

10 Sic ergo orante Esdra, et implorante eo, et flente, et jacente ante templum Dei, collectus est ad eum de Israel cœtus grandis nimis virorum, et mulierum, et puerorum, et flevit populus fletu multo.

Sic ergo orante Ezra et inplorante eo et flente et iacente ante templum Dei collectus est ad eum de Israhel coetus grandis nimis virorum et mulierum puerorumque et flevit populus multo fletu.

2 Et respondit Sechenias, filius Jehiel de filiis Ælam, et dixit Esdræ : Nos prævaricati sumus in Deum nostrum, et duximus uxores alienigenas de populis terræ ; et nunc, si est pœnitentia in Israel super hoc,

Et respondit Sechenia filius Iehihel de filiis Helam et dixit Ezrae nos praevaricati sumus in Deum nostrum et duximus uxores alienigenas de populis terrae et nunc si est paenitentia Israhel super hoc.

3 Percutiamus fœdus cum Domino Deo nostro, ut projiciamus universas uxores, et eos qui de his nati sunt, juxta voluntatem Domini, et eorum qui timent præceptum Domini Dei nostri, secundum legem fiat.

Percutiamus foedus cum Deo nostro ut proiciamus universas uxores et eos qui de his nati sunt iuxta voluntatem Domini et eorum qui timent praeceptum Dei nostri secundum legem fiat.

4 Surge ; tuum est decernere, nosque erimus tecum ; confortare, et fac.

Surge tuum est decernere nosque erimus tecum confortare et fac.

5 Surrexit ergo Esdras, et adjuravit principes sacerdotum et levitarum, et omnem Israel, ut facerent secundum verbum hoc ; et juraverunt.

Surrexit ergo Ezras et adiuravit principes sacerdotum Levitarum et omnem Israhel ut facerent secundum verbum hoc et iuraverunt.

6 Et surrexit Esdras ante domum Dei, et abiit ad cubiculum Johanan, filii Eliasib, et ingressus est illuc ; panem non comedit, et aquam non bibit ; lugebat enim transgressionem eorum, qui venerant de captivitate.

Et surrexit Ezras ante domum Dei et abiit ad cubiculum Iohanan filii Eliasib et ingressus est illuc panem non comedit et aquam non bibit lugebat enim in transgressione eorum qui de captivitate venerant.

7 Et missa est vox in Juda et in Jerusalem, omnibus filiis transmigrationis, ut congregarentur in Jerusalem ;

Et missa est vox in Iuda et in Hierusalem omnibus filiis transmigrationis ut congregarentur in Hierusalem.

8 Et omnis qui non venerit in tribus diebus, juxta consilium principum et seniorum, auferetur universa substantia ejus, et ipse abjicietur de cœtu transmigrationis.

Et omnis qui non venerit in tribus diebus iuxta consilium principum et seniorum auferetur universa substantia eius et ipse abicietur de coetu transmigrationis.

9 Convenerunt igitur omnes viri Juda et Benjamin in Jerusalem tribus diebus, ipse est mensis nonus, vigesimo die mensis ; et sedit omnis populus in platea domus Dei, trementes pro peccato, et pluviis.

Convenerunt igitur omnes viri Iuda et Beniamin in Hierusalem tribus diebus ipse est mensis nonus vicesimo die mensis et sedit omnis populus in platea domus Dei trementes pro peccato et pluviis.

10 Et surrexit Esdras, sacerdos, et dixit ad eos : Vos transgressi estis, et duxistis uxores alienigenas, ut adderetis super delictum Israel.

Et surrexit Ezras sacerdos et dixit ad eos vos transgressi estis et duxistis uxores alienigenas ut adderetis super delictum Israhel.

11 Et nunc date confessionem Domino Deo patrum vestrorum, et facite placitum ejus, et separamini a populis terræ, et ab uxoribus alienigenis.

Et nunc date confessionem Domino Deo patrum vestrorum et facite placitum eius et separamini a populis terrae et ab uxoribus alienigenis.

12 Et respondit universa multitudo, dixitque voce magna : Juxta verbum tuum ad nos, sic fiat.

Et respondit universa multitudo dixitque voce magna iuxta verbum tuum ad nos sic fiat.

13 Verumtamen quia populus multus est, et tempus pluviæ, et non sustinemus stare foris, et opus non est diei unius vel duorum, vehementer quippe peccavimus in sermone isto,

Verumtamen quia populus multus est et tempus pluviae et non sustinemus stare foris et opus non est diei unius vel duorum vehementer quippe peccavimus in sermone isto.

14 Constituantur principes in universa multitudine ; et omnes in civitatibus nostris qui duxerunt uxores alienigenas veniant in temporibus statutis, et cum his seniores per civitatem et civitatem, et judices ejus, donec avertatur ira Dei nostri a nobis super peccato hoc.

Constituantur principes in universa multitudine et omnes in civitatibus nostris qui duxerunt uxores alienigenas veniant in temporibus statutis et cum his seniores per civitatem et civitatem et iudices eius donec avertatur ira Dei nostri a nobis super peccato hoc.

15 Igitur Jonathan, filius Azahel, et Jaasia filius Thecue, steterunt super hoc, et Messollam et Sebethai, levites adjuverunt eos ;

Igitur Ionathan filius Asahel et Iaazia filius Thecuae steterunt super hoc et Mesollam et Sebethai Levites adiuverunt eos.

16 Feceruntque sic filii transmigrationis. Et abierunt Esdras, sacerdos, et viri principes familiarum, in domos patrum suorum, et omnes per nomina sua, et sederunt in die primo mensis decimi ut quærerent rem.

Feceruntque sic filii transmigrationis et abierunt Ezras sacerdos et viri principes familiarum in domum patrum suorum et omnes per nomina sua et sederunt in die primo mensis decimi ut quaererent rem.

17 Et consummati sunt omnes viri, qui duxerant uxores alienigenas, usque ad diem primam mensis primi.

Et consummati sunt omnes viri qui duxerant uxores alienigenas usque ad diem primam mensis primi.

18 Et inventi sunt de filiis sacerdotum qui duxerant uxores alienigenas. De filiis Josue filii Josedec, et fratres ejus, Maasia, et Eliezer, et Jarib, et Godolia.

Et inventi sunt de filiis sacerdotum qui duxerant uxores alienigenas de filiis Iosue filii Iosedech et fratres eius Maasia et Eliezer et Iarib et Godolia.

19 Et dederunt manus suas ut ejicerent uxores suas, et pro delicto suo arietem de ovibus offerrent.

Et dederunt manus suas ut eicerent uxores suas et pro delicto suo arietem de ovibus offerrent.

20 Et de filiis Emmer, Hanani, et Zebedia.

Et de filiis Emmer Anani et Zebedia.

21 Et de filiis Harim, Maasia, et Elia, et Semeia, et Jehiel, et Ozias.

Et de filiis Erim Masia et Helia et Semeia et Hiehihel et Ozias.

22 Et de filiis Pheshur, Elioenai, Maasia, Ismaël, Nathanael, Jozabed, et Elasa.

Et de filiis Phessur Helioenai Maasia Ismahel Nathanahel Iozabeth et Elasa.

23 Et de filiis levitarum, Jozabed, et Semei, et Celaia, ipse est Calita, Phataia, Juda, et Eliezer.

Et de filiis Levitarum Iozabeth et Semei et Celaia ipse est Calita Phataia Iuda et Eliezer.

24 Et de cantoribus, Eliasib. Et de janitoribus, Sellum, et Telem, et Uri.

Et de cantoribus Eliasub et de ianitoribus Sellum et Telem et Uri.

25 Et ex Israel, de filiis Pharos, Remeia, et Jesia, et Melchia, et Miamin, et Eliezer, et Melchia, et Banea.

Et ex Israhel de filiis Pharos Remia et Ezia et Melchia et Miamin et Eliezer et Melchia et Banea.

26 Et de filiis Ælam, Mathania, Zacharias, et Jehiel, et Abdi, et Jerimoth, et Elia.

Et de filiis Helam Mathania Zaccharias et Hiehil et Abdi et Irimoth et Helia.

27 Et de filiis Zethua, Elioënai, Eliasib, Mathania, et Jerimuth, et Zabad, et Aziza.

Et de filiis Zethua Helioenai Eliasib Mathania et Ierimuth et Zabeth et Aziza.

28 Et de filiis Bebai, Johanan, Hanania, Zabbai, Athalai.

Et de filiis Bebai Iohanan Anania Zabbai Athalai.

29 Et de filiis Bani, Mosollam, et Melluch, et Adaia, Jasub, et Saal, et Ramoth.

Et de filiis Bani Mosollam et Melluch et Adaia Iasub et Saal et Ramoth.

30 Et de filiis Phahath Moab, Edna, et Chalal, Banaias, et Maasias, Mathanias, Beseleel, Bennui, et Manasse.

Et de filiis Phaethmoab Edna et Chalal Banaias Maasias Mathanias Beselehel et Bennui et Manasse.

31 Et de filiis Herem, Eliezer, Josue, Melchias, Semeias, Simeon,

Et de filiis Erem Eliezer Iesue Melchias Semeias Symeon.

32 Benjamin, Maloch, Samarias.

Beniamin Maloch Samarias.

33 Et de filiis Hasom, Mathanai, Mathatha, Zabad, Elipheleth, Jermai, Manasse, Semei.

De filiis Asom Matthanai Matthetha Zabed Elipheleth Iermai Manasse Semei.

34 De filiis Bani, Maadi, Amram, et Vel,

De filiis Bani Maaddi Amram et Huhel.

35 Baneas, et Badaias, Cheliau,

Baneas et Badaias Cheiliau.

36 Vania, Marimuth, et Eliasib,

Vannia Marimuth et Eliasib.

37 Mathanias, Mathanai, et Jasi,

Matthanias Mathanai et Iasi.

38 Et Bani, et Bennui, Semei,

Et Bani et Bennui Semei.

39 Et Salmias, et Nathan, et Adaias,

Et Salmias et Nathan et Adaias.

40 Et Mechnedebai, Sisai, Sarai,

Mechnedabai Sisai Sarai.

41 Ezrel, et Selemiau, Semeria,

Ezrel et Selemau Semeria.

42 Sellum, Amaria, Joseph.

Sellum Amaria Ioseph.

43 De filiis Nebo, Jehiel, Mathathias, Zabad, Zabina, Jeddu, et Joel, et Banaia.

De filiis Nebu Iaihel Matthathias Zabed Zabina Ieddu et Iohel Banaia.

44 Omnes hi acceperant uxores alienigenas ; et fuerunt ex eis mulieres, quæ pepererant filios.

Omnes hii acceperunt uxores alienigenas et fuerunt ex eis mulieres quae pepererant filios.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit