Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Deuteronomii

(Versiculus)

23 Non intravit eunuchus attritis vel amputatis testiculis et abscisso veretro, ecclesiam Domini.

Non intrabit eunuchus adtritis vel amputatis testiculis et absciso veretro ecclesiam Domini.

2 Non ingredietur mamzer, hoc est, de scorto natus, in ecclesiam Domini, usque ad decimam generationem.

Non ingredietur mamzer hoc est de scorto natus in ecclesiam Domini usque ad decimam generationem.

3 Ammonites et Moabites etiam post decimam generationem non intrabunt ecclesiam Domini, in æternum,

Ammanites et Moabites etiam post decimam generationem non intrabunt ecclesiam Domini in aeternum.

4 Quia noluerunt vobis occurrere cum pane et aqua in via quando egressi estis de Ægypto ; et quia conduxerunt contra te Balaam, filium Beor, de Mesopotamia Syriæ, ut malediceret tibi ;

Quia noluerunt vobis occurrere cum pane et aqua in via quando egressi estis de Aegypto et quia conduxerunt contra te Balaam filium Beor de Mesopotamiam Syriae ut malediceret tibi.

5 Et noluit Dominus Deus tuus audire Balaam, vertitque maledictionem ejus in benedictionem tuam, eo quod diligeret te.

Et noluit Dominus Deus tuus audire Balaam vertitque maledictionem eius in benedictionem tuam eo quod diligeret te.

6 Non facies cum eis pacem, nec quæras eis bona cunctis diebus vitæ tuæ in sempiternum.

Non facies cum eis pacem nec quaeres eis bona cunctis diebus vitae tuae in sempiternum.

7 Non abominaberis Idumæum, quia frater tuus est, nec Ægyptium, quia advena fuisti in terra ejus.

Non abominaberis Idumeum quia frater tuus est nec Aegyptium quia advena fuisti in terra eius.

8 Qui nati fuerint ex eis, tertia generatione intrabunt in ecclesiam Domini.

Qui nati fuerint ex eis tertia generatione intrabunt ecclesiam Domini.

9 Quando egressus fueris adversus hostes tuos in pugnam, custodies te ab omni re mala.

Quando egressus fueris adversus hostes tuos in pugnam custodies te ab omni re mala.

10 Si fuerit inter vos homo, qui nocturno pollutus sit somnio, egredietur extra castra,

Si fuerit inter vos homo qui nocturno pollutus sit somnio egredietur extra castra.

11 Et non revertetur, priusquam ad vesperam lavetur aqua ; et post solis occasum regredietur in castra.

Et non revertetur priusquam ad vesperam lavetur aqua et post solis occasum regredietur in castra.

12 Habebis locum extra castra, ad quem egrediaris ad requisita naturæ,

Habebis locum extra castra ad quem egrediaris ad requisita naturae.

13 Gerens paxillum in balteo ; cumque sederis, fodies per circuitum, et egesta humo operies

Gerens paxillum in balteo cumque sederis fodies per circuitum et egesta humo operies.

14 Quo revelatus es (Dominus enim Deus tuus ambulat in medio castrorum, ut eruat te, et tradat tibi inimicos tuos) ; et sint castra tua sancta, et nihil in eis appareat fœditatis, ne derelinquat te.

Quo relevatus es Dominus enim Deus tuus ambulat in medio castrorum ut eruat te et tradat tibi inimicos tuos ut sint castra tua sancta et nihil in eis appareat foeditatis nec derelinquat te.

15 Non trades servum domino suo, qui ad te confugerit.

Non trades servum domino suo qui ad te confugerit.

16 Habitabit tecum in loco, qui ei placuerit, et in una urbium tuarum requiescet, ne contristes eum.

Habitabit tecum in loco qui ei placuerit et in una urbium tuarum requiescet nec contristes eum.

17 Non erit meretrix de filiabus Israel, nec scortator de filiis Israel.

Non erit meretrix de filiabus Israhel neque scortator de filiis Israhel.

18 Non offeres mercedem prostibuli, nec pretium canis in domo Domini Dei tui, quidquid illud est quod voveris, quia abominatio est utrumque apud Dominum Deum tuum.

Non offeres mercedem prostibuli nec pretium canis in domum Domini Dei tui quicquid illud est quod voverint quia abominatio est utrumque apud Dominum Deum tuum.

19 Non fœnerabis fratri tuo ad usuram pecuniam, nec fruges, nec quamlibet aliam rem,

Non fenerabis fratri tuo ad usuram pecuniam nec fruges nec quamlibet aliam rem.

20 Sed alieno. Fratri autem tuo absque usura id, quo indiget, commodabis, ut benedicat tibi Dominus Deus tuus in omni opere tuo in terra, ad quam ingredieris possidendam.

Sed alieno fratri autem tuo absque usura id quod indiget commodabis ut benedicat tibi Dominus Deus tuus in omni opere tuo in terra ad quam ingredieris possidendam.

21 Cum votum voveris Domino Deo tuo, non tardabis reddere, quia requiret illud Dominus Deus tuus ; et si moratus fueris, reputabitur tibi in peccatum.

Cum voveris votum Domino Deo tuo non tardabis reddere quia requiret illud Dominus Deus tuus et si moratus fueris reputabit tibi in peccatum.

22 Si nolueris polliceri, absque peccato eris ;

Si nolueris polliceri absque peccato eris.

23 Quod autem semel egressum est de labiis tuis, observabis, et facies sicut promisisti Domino Deo tuo, et propria voluntate, et ore tuo locutus es.

Quod autem semel egressum est de labiis tuis observabis et facies sicut promisisti Domino Deo tuo et propria voluntate et ore tuo locutus es.

24 Ingressus vineam proximi tui, comede uvas quantum tibi placuerit ; foras autem ne efferas tecum.

Ingressus vineam proximi tui comede uvas quantum tibi placuerit foras autem ne efferas tecum.

25 Si intraveris in segetem amici tui, franges spicas, et manu conteres ; falce autem non metes.

Si intraveris in segetem amici tui franges spicas et manu conteres falce autem non metes.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit