Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Amos

(Versiculus)

5 Audite verbum istud, quod ego levo super vos planctum. Domus Israel cecidit, et non adjiciet ut resurgat.

Audite verbum istud quod ego levo super vos planctum domus Israhel cecidit non adiciet ut resurgat.

2 Virgo Israel projecta est in terram suam, non est qui suscitet eam.

Virgo Israhel proiecta est in terram suam non est qui suscitet eam.

3 Quia hæc dicit Dominus Deus : Urbs, de qua egrediebantur mille, relinquentur in ea centum ; et de qua egrediebantur centum, relinquentur in ea decem in domo Israel.

Quia haec dicit Dominus Deus urbs de qua egrediebantur mille relinquentur in ea centum et de qua egrediebantur centum relinquentur in ea decem in domo Israhel.

4 Quia hæc dicit Dominus domui Israel : Quærite me, et vivetis.

Quia haec dicit Dominus domui Israhel quaerite me et vivetis.

5 Et nolite quærere Bethel, et in Galgalam nolite intrare, et in Bersabee non transibitis ; quia Galgala captiva ducetur, et Bethel erit inutilis.

Et nolite quaerere Bethel et in Galgala nolite intrare et in Bersabee non transibitis quia Galgala captiva ducetur et Bethel erit inutilis.

6 Quærite Dominum, et vivite ; ne forte comburatur ut ignis domus Joseph, et devorabit, et non erit qui extinguat Bethel.

Quaerite Dominum et vivite ne forte conburatur ut ignis domus Ioseph et devorabit et non erit qui extinguat Bethel.

7 Qui convertitis in absinthium judicium, et justitiam in terra relinquitis.

Qui convertitis in absinthium iudicium et iustitiam in terra relinquitis.

8 Facientem Arcturum, et Orionem, et convertentem in mane tenebras, et diem in noctem mutantem ; qui vocat aquas maris, et effundit eas super faciem terræ ; Dominus nomen est ejus.

Facientem Arcturum et Orionem et convertentem in mane tenebras et diem nocte mutantem qui vocat aquas maris et effundit eas super faciem terrae Dominus nomen eius.

9 Qui subridet vastitatem super robustum, et depopulationem super potentem affert.

Qui subridet vastitatem super robustum et depopulationem super potentem adfert.

10 Odio habuerunt corripientem in porta ; et loquentem perfecte abominati sunt.

Odio habuerunt in porta corripientem et loquentem perfecte abominati sunt.

11 Idcirco, pro eo quod diripiebatis pauperem, et prædam electam tollebatis ab eo ; domos quadro lapide ædificabitis, et non habitabitis in eis ; vineas plantabis amantissimas, et non bibetis vinum earum.

Idcirco pro eo quod diripiebatis pauperem et praedam electam tollebatis ab eo domos quadro lapide aedificabitis et non habitabitis in eis vineas amantissimas plantabitis et non bibetis vinum earum.

12 Quia cognovi multa scelera vestra, et fortia peccata vestra ; hostes justi, accipientes munus, et pauperes deprimentes in porta.

Quia cognovi multa scelera vestra et fortia peccata vestra hostes iusti accipientes munus et pauperes in porta deprimentes.

13 Ideo prudens in tempore illo tacebit, quia tempus malum est.

Ideo prudens in tempore illo tacebit quia tempus malum est.

14 Quærite bonum, et non malum, ut vivatis, et erit Dominus Deus exercituum vobiscum, sicut dixistis.

Quaerite bonum et non malum ut vivatis et erit Dominus Deus exercituum vobiscum sicut dixistis.

15 Odite malum, et diligite bonum, et constituite in porta judicium ; si forte misereatur Dominus Deus exercituum reliquiis Joseph.

Odite malum et diligite bonum et constituite in porta iudicium si forte misereatur Dominus Deus exercituum reliquiis Ioseph.

16 Propterea hæc dicit Dominus Deus exercituum dominator, in omnibus plateis planctus : et in cunctis, quæ foris sunt, dicetur væ væ ; et vocabunt agricolam ad luctum, et ad planctum eos, qui sciunt plangere.

Propterea haec dicit Dominus Deus exercituum Dominator in omnibus plateis planctus et in cunctis quae foris sunt dicetur vae vae et vocabunt agricolam ad luctum et ad planctum eos qui sciunt plangere.

17 Et in omnibus vineis erit planctus ; quia pertransibo in medio tui, dicit Dominus.

Et in omnibus vineis erit planctus quia pertransibo in medio tui dicit Dominus.

18 Væ desiderantibus diem Domini ; ad quid eam vobis ? dies Domini ista, tenebræ, et non lux.

Vae desiderantibus diem Domini ad quid eam vobis dies Domini ista tenebrae et non lux.

19 Quomodo si fugiat vir a facie leonis, et occurrat ei ursus ; et ingrediatur domum, et innitatur manu sua super parietem, et mordeat eum coluber.

Quomodo si fugiat vir a facie leonis et occurrat ei ursus et ingrediatur domum et innitatur manu sua super parietem et mordeat eum coluber.

20 Numquid non tenebræ dies Domini, et non lux ; et caligo, et non splendor in ea ?

Numquid non tenebrae dies Domini et non lux et caligo et non splendor in ea.

21 Odi, et projeci festivitates vestras ; et non capiam odorem cœtuum vestrorum.

Odi et proieci festivitates vestras et non capiam odorem coetuum vestrorum.

22 Quod si obtuleritis mihi holocautomata, et munera vestra, non suscipiam ; et vota pinguium vestrorum non respiciam.

Quod si adtuleritis mihi holocaustomata et munera vestra non suscipiam et vota pinguium vestrorum non respiciam.

23 Aufer a me tumultum carminum tuorum ; et cantica lyræ tuæ non audiam.

Aufer a me tumultum carminum tuorum et cantica lyrae tuae non audiam.

24 Et revelabitur quasi aqua judicium, et justitia quasi torrens fortis.

Et revelabitur quasi aqua iudicium et iustitia quasi torrens fortis.

25 Numquid hostias et sacrificium obtulistis mihi in deserto quadraginta annis, domus Israel ?

Numquid hostias et sacrificium obtulistis mihi in deserto quadraginta annis domus Israhel.

26 Et portastis tabernaculum Moloch vestro, et imaginem idolorum vestrorum, sidus dei vestri, quæ fecistis vobis.

Et portastis tabernaculum Moloch vestro et imaginem idolorum vestrorum sidus dei vestri quae fecistis vobis.

27 Et migrare vos faciam trans Damascum, dicit Dominus, Deus exercituum nomen ejus.

Et migrare vos faciam trans Damascum dixit Dominus Deus exercituum nomen eius.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit