Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

I Regum

(Versiculus)

4 Erat autem rex Salomon regnans super omnem Israel.

Erat autem rex Salomon regnans super omnem Israhel.

2 Et hi principes quos habebat : Azarias, filius Sadoc sacerdotis ;

Et hii principes quos habebat Azarias filius Sadoc sacerdos.

3 Elihoreph et Ahia, filii Sisa, scribæ ; Josaphat, filius Ahilud, a commentariis ;

Helioreph et Ahia filii Sesa scribae Iosaphat filius Ahilud a commentariis.

4 Banaias, filius Joiadæ, super exercitum ; Sadoc autem, et Abiathar, sacerdotes ;

Banaias filius Ioiadae super exercitum Sadoc autem et Abiathar sacerdotes.

5 Azarias, filius Nathan, super eos qui assistebant regi ; Zabud filius Nathan, sacerdos, amicus regis ;

Azarias filius Nathan super eos qui adsistebant regi Zabud filius Nathan sacerdos amicus regis.

6 Et Ahisar præpositus domus ; et Adoniram, filius Abda, super tributa.

Et Ahisar praepositus domus et Adoniram filius Abda super tributa.

7 Habebat autem Salomon duodecim præfectos super omnem Israel, qui præbebant annonam regi et domui ejus ; per singulos enim menses in anno, singuli necessaria ministrabant.

Habebat autem Salomon duodecim praefectos super omnem Israhel qui praebebant annonam regi et domui eius per singulos enim menses in anno singuli necessaria ministrabant.

8 Et hæc nomina eorum : Ben-Hur, in monte Ephraim ;

Et haec nomina eorum Benhur in monte Ephraim.

9 Ben-Decar in Macces, et in Salebim, et in Beth-Sames, et in Elon, et in Beth-Hanan ;

Bendecar in Macces et in Salebbim et in Bethsemes et Helon Bethanan.

10 Ben-Hesed in Aruboth. Ipsius erat Socho, et omnis terra Epher.

Benesed in Araboth ipsius erat Soccho et omnis terra Epher.

11 Ben-Abinadab, cujus omnis Nephath-Dor, Tapheth, filiam Salomonis, habebat uxorem.

Benabinadab cuius omnis Nepthad Dor Tapheth filiam Salomonis habebat uxorem.

12 Bana, filius Ahilud, regebat Thanac et Maggedo, et universam Beth-San, quæ est juxta Sarthana subter Jezrahel, a Beth-San usque Abel-Mehula e regione Jecmaan.

Bana filius Ahilud regebat Thanac et Mageddo et universam Bethsan quae est iuxta Sarthana subter Hiezrahel a Bethsan usque Abelmeula e regione Iecmaan.

13 Ben-Gaber in Ramoth-Galaad ; habebat Avoth-Jair, filii Manasse, in Galaad ; ipse præerat in omni regione Argob, quæ est in Basan, sexaginta civitatibus magnis atque muratis, quæ habebant seras æreas.

Bengaber in Ramoth Galaad habebat Avothiair filii Manasse in Galaad ipse praeerat in omni regione Argob quae est in Basan sexaginta civitatibus magnis atque muratis quae habebant seras aereas.

14 Ahinadab, filius Addo, præerat in Manaim.

Ahinadab filius Addo praeerat in Manaim.

15 Achimaas in Nephthali ; sed et ipse habebat Basemath, filiam Salomonis, in conjugio.

Ahimaas in Nepthali sed et ipse habebat Basmath filiam Salomonis in coniugio.

16 Baana, filius Husi, in Aser et in Baloth.

Baana filius Usi in Aser et in Balod.

17 Josaphat, filius Pharue, in Issachar.

Iosaphat filius Pharue in Isachar.

18 Semei, filius Ela, in Benjamin.

Semei filius Hela in Beniamin.

19 Gaber, filius Uri, in terra Galaad, in terra Sehon, regis Amorrhæi, et Og, regis Basan, super omnia quæ erant in illa terra.

Gaber filius Uri in terra Galaad in terra Seon regis Amorrei et Og regis Basan super omnia quae erant in illa terra.

20 Juda et Israel innumerabiles, sicut arena maris in multitudine, comedentes et bibentes, atque lætantes.

Iuda et Israhel innumerabiles sicut harena maris in multitudine comedentes et bibentes atque laetantes.

21 Salomon autem erat in ditione sua, habens omnia regna a flumine terræ Philisthiim usque ad terminum Ægypti, offerentium sibi munera, et servientium ei cunctis diebus vitæ ejus.

Salomon autem erat in dicione sua habens omnia regna sicut a flumine terrae Philisthim usque ad terminum Aegypti offerentium sibi munera et servientium ei cunctis diebus vitae eius.

22 Erat autem cibus Salomonis per dies singulos triginta cori similæ, et sexaginta cori farinæ,

Erat autem cibus Salomonis per dies singulos triginta chori similae et sexaginta chori farinae.

23 Decem boves pingues, et viginti boves pascuales, et centum arietes, excepta venatione cervorum, caprearum, atque bubalorum, et avium altilium.

Decem boves pingues et viginti boves pascuales et centum arietes excepta venatione cervorum caprearum atque bubalorum et avium altilium.

24 Ipse enim obtinebat omnem regionem quæ erat trans flumen, a Thaphsa usque ad Gazan, et cunctos reges illarum regionum, et habebat pacem ex omni parte in circuitu.

Ipse enim obtinebat omnem regionem quae erat trans flumen quasi a Thapsa usque Gazam et cunctos reges illarum regionum et habebat pacem ex omni parte in circuitu.

25 Habitabatque Juda et Israel absque timore ullo, unusquisque sub vite sua et sub ficu sua, a Dan usque Bersabee cunctis diebus Salomonis.

Habitabatque Iudas et Israhel absque timore ullo unusquisque sub vite sua et sub ficu sua a Dan usque Bersabee cunctis diebus Salomonis.

26 Et habebat Salomon quadraginta millia præsepia equorum currilium, et duodecim millia equestrium.

Et habebat Salomon quadraginta milia praesepia equorum currulium et duodecim milia equestrium.

27 Nutriebantque eos supradicti regis præfecti ; sed et necessaria mensæ regis Salomonis cum ingenti cura præbebant in tempore suo.

Nutriebantque eos supradicti regis praefecti sed et necessaria mensae regis Salomonis cum ingenti cura praebebant in tempore suo.

28 Hordeum quoque et paleas equorum et jumentorum deferebant in locum ubi erat rex, juxta constitutum sibi.

Hordeum quoque et paleas equorum et iumentorum deferebant in locum ubi erat rex iuxta constitutum sibi.

29 Dedit quoque Deus sapientiam Salomoni, et prudentiam multam nimis, et latitudinem cordis, quasi arenam quæ est in littore maris.

Dedit quoque Deus sapientiam Salomoni et prudentiam multam nimis et latitudinem cordis quasi harenam quae est in litore maris.

30 Et præcedebat sapientia Salomonis sapientiam omnium Orientalium et Ægyptiorum ;

Et praecedebat sapientia Salomonis sapientiam omnium Orientalium et Aegyptiorum.

31 Et erat sapientior cunctis hominibus, sapientior Ethan Ezrahita, et Heman, et Chalcol, et Dorda, filiis Mahol ; et erat nominatus in universis gentibus per circuitum.

Et erat sapientior cunctis hominibus sapientior Aethan Ezraita et Heman et Chalcal et Dorda filiis Maol et erat nominatus in universis gentibus per circuitum.

32 Locutus est quoque Salomon tria millia parabolas, et fuerunt carmina ejus quinque et mille.

Locutus est quoque Salomon tria milia parabolas et fuerunt carmina eius quinque et mille.

33 Et disputavit super lignis, a cedro quæ est in Libano, usque ad hyssopum quæ egreditur de pariete ; et disseruit de jumentis, et volucribus, et reptilibus, et piscibus.

Et disputavit super lignis a cedro quae est in Libano usque ad hysopum quae egreditur de pariete et disseruit de iumentis et volucribus et reptilibus et piscibus.

34 Et veniebant de cunctis populis ad audiendam sapientiam Salomonis, et ab universis regibus terræ, qui audiebant sapientiam ejus.

Et veniebant de cunctis populis ad audiendam sapientiam Salomonis et ab universis regibus terrae qui audiebant sapientiam eius.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit