Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

I Paralipomenon

(Versiculus)

27 Filii autem Israel secundum numerum suum, principes familiarum, tribuni, et centuriones, et præfecti, qui ministrabant regi juxta turmas suas, ingredientes et egredientes per singulos menses in anno, viginti quatuor millibus singuli præerant.

Filii autem Israhel secundum numerum suum principes familiarum tribuni et centuriones et praefecti qui ministrabant regi iuxta turmas suas ingredientes et egredientes per singulos menses in anno viginti quattuor milibus singuli praeerant.

2 Primæ turmæ in primo mense Jesboam præerat, filius Zabdiel, et sub eo viginti quatuor millia ;

Primae turmae in primo mense Isboam praeerat filius Zabdihel et sub eo viginti quattuor milia.

3 De filiis Phares, princeps cunctorum principum in exercitu mense primo.

De filiis Phares princeps cunctorum principum in exercitu mense primo.

4 Secundi mensis habebat turmam Dudia Ahohites ; et post se alter, nomine Macelloth, qui regebat partem exercitus viginti quatuor millium.

Secundi mensis habebat turmam Dudi Ahohites et post se alterum nomine Macelloth qui regebat partem exercitus viginti quattuor milium.

5 Dux quoque turmæ tertiæ in mense tertio erat Banaias, filius Joiadæ, sacerdos ; et in divisione sua viginti quatuor millia.

Dux quoque turmae tertiae in mense tertio erat Banaias filius Ioiadae sacerdos et in divisione sua viginti quattuor milia.

6 Ipse est Banaias fortissimus inter triginta, et super triginta. Præerat autem turmæ ipsius Amizabad, filius ejus.

Ipse est Banaias fortissimus inter triginta et super triginta praeerat autem turmae ipsius Amizabad filius eius.

7 Quartus, mense quarto, Asahel, frater Joab, et Zabadias, filius ejus, post eum ; et in turma ejus viginti quatuor millia.

Quartus mense quarto Asahel frater Ioab et Zabadias filius eius post eum et in turma eius viginti quattuor milia.

8 Quintus, mense quinto, princeps Samaoth Jezerites ; et in turma ejus viginti quatuor millia.

Quintus mense quinto princeps Samaoth Iezarites et in turma eius viginti quattuor milia.

9 Sextus, mense sexto, Hira, filius Acces, Thecuites ; et in turma ejus viginti quatuor millia.

Sextus mense sexto Hira filius Acces Thecuites et in turma eius viginti quattuor milia.

10 Septimus, mense septimo, Helles Phallonites, de filiis Ephraim ; et in turma ejus viginti quatuor millia.

Septimus mense septimo Helles Phallonites de filiis Ephraim et in turma eius viginti quattuor milia.

11 Octavus, mense octavo, Sobochai Husathites, de stirpe Zarahi ; et in turma ejus viginti quatuor millia.

Octavus mense octavo Sobochai Asothites de stirpe Zarai et in turma eius viginti quattuor milia.

12 Nonus, mense nono, Abiezer Anathothites, de filiis Jemini ; et in turma ejus viginti quatuor millia.

Nonus mense nono Abiezer Anathothites de filiis Iemini et in turma eius viginti quattuor milia.

13 Decimus, mense decimo, Marai, et ipse Netophathites, de stirpe Zarai ; et in turma ejus viginti quatuor millia.

Decimus mense decimo Marai et ipse Netophathites de stirpe Zarai et in turma eius viginti quattuor milia.

14 Undecimus, mense undecimo, Banaias Pharathonites, de filiis Ephraim ; et in turma ejus viginti quatuor millia.

Undecimus mense undecimo Banaias Pharathonites de filiis Ephraim et in turma eius viginti quattuor milia.

15 Duodecimus, mense duodecimo, Holdai Netophathites, de stirpe Gothoniel ; et in turma ejus viginti quatuor millia.

Duodecimus mense duodecimo Holdai Netophathites de stirpe Gothonihel et in turma eius viginti quattuor milia.

16 Porro tribubus præerant Israel : Rubenitis, dux Eliezer filius Zechri ; Simeonitis, dux Saphatias, filius Maacha ;

Porro tribubus praeerant Israhel Rubenitis dux Eliezer filius Zechri Symeonitis dux Saphatias filius Macha.

17 Levitis, Hasabias, filius Camuel ; Aaronitis, Sadoc ;

Levitis Asabias filius Camuhel Aaronitis Sadoc.

18 Juda, Eliu, frater David ; Issachar, Amri, filius Michael.

Iuda Heliu frater David Isachar Amri filius Michahel.

19 Zabulonitis, Jesmaias, filius Abdiæ ; Nephthalitibus, Jerimoth, filius Ozriel ;

Zabulonitis Iesmaias filius Abdiae Nepthalitibus Ierimoth filius Ozihel.

20 Filiis Ephraim, Osee, filius Ozaziu ; dimidiæ tribui Manasse, Joel, filius Phadaiæ ;

Filiis Ephraim Osee filius Ozaziu dimidio tribus Manasse Iohel filius Phadiae.

21 Et dimidiæ tribui Manasse in Galaad, Jaddo, filius Zachariæ ; Benjamin autem, Jasiel, filius Abner ;

Et dimidio tribus Manasse in Galaad Iaddo filius Zacchariae Beniamin autem Iasihel filius Abner.

22 Dan vero, Ezrihel, filius Jeroham. Hi principes filiorum Israel.

Dan vero Ezrihel filius Hieroam hii principes filiorum Israhel.

23 Noluit autem David numerare eos a viginti annis inferius, quia dixerat Dominus ut multiplicaret Israel quasi stellas cæli.

Noluit autem David numerare eos a viginti annis inferius quia dixerat Dominus ut multiplicaret Israhel quasi stellas caeli.

24 Joab, filius Sarviæ, cœperat numerare, nec complevit : quia super hoc ira irruerat in Israel ; et idcirco numerus eorum qui fuerant recensiti, non est relatus in fastos regis David.

Ioab filius Sarviae coeperat numerare nec conplevit quia super hoc ira inruerat in Israhel et idcirco numerus eorum qui fuerant recensiti non est relatus in fastos regis David.

25 Super thesauros autem regis fuit Azmoth, filius Adiel ; his autem thesauris, qui erant in urbibus, et in vicis, et in turribus, præsidebat Jonathan, filius Oziæ.

Super thesauros autem regis fuit Azmoth filius Adihel his autem thesauris qui erant in urbibus et in vicis et in turribus praesidebat Ionathan filius Oziae.

26 Operi autem rustico, et agricolis qui exercebant terram, præerat Ezri, filius Chelub ;

Operi autem rustico et agricolis qui exercebant terram praeerat Ezri filius Chelub.

27 Vinearumque cultoribus, Semeias Romathites ; cellis autem vinariis, Zabdias Aphonites.

Vinearumque cultoribus Semeias Ramathites cellis autem vinariis Zabdias Aphonites.

28 Nam super oliveta et ficeta quæ erant in campestribus, Balanam Gederites ; super apothecas autem olei, Joas.

Nam super oliveta et ficeta quae erant in campestribus Balanan Gaderites super apothecas autem olei Ioas.

29 Porro armentis quæ pascebantur in Saron præpositus fuit Setrai Saronites ; et super boves in vallibus, Saphat, filius Adli ;

Porro armentis quae pascebantur in Sarona praepositus fuit Setrai Saronites et super boves in vallibus Saphat filius Adli.

30 Super camelos vero Ubil Ismahelites ; et super asinos, Jadias Meronathithes ;

Super camelos vero Ubil Ismahelites et super asinos Iadias Meronathites.

31 Super oves quoque, Jaziz Agareus. Omnes hi principes substantiæ regis David.

Super oves quoque Iaziz Agarenus omnes hii principes substantiae regis David.

32 Jonathan autem, patruus David, consiliarius, vir prudens et litteratus ; ipse et Jahiel, filius Hachamoni, erant cum filiis regis.

Ionathan autem patruus David consiliarius vir prudens et litteratus ipse et Iaihel filius Achamoni erant cum filiis regis.

33 Achitophel etiam, consiliarius regis ; et Chusai Arachites, amicus regis.

Ahitophel etiam consiliarius regis et Husi Arachites amicus regis.

34 Post Achitophel fuit Joiada, filius Banaiæ, et Abiathar. Princeps autem exercitus regis erat Joab.

Post Ahitophel fuit Ioiada filius Banaiae et Abiathar princeps autem exercitus regis erat Ioab.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit